eftir Jonas Hassen Khemiri

Frumsýnt í Kassanum, Þjóðleikhúsinu í desember 2015. 

Leikstjóri: Una Þorleifsdóttir

—

Hvað færðu há laun fyrir vinnu þína? Í þágu hvers ertu að vinna? Í þessu nýja verki kynnumst við fjölskrúðugum hópi fólks þar sem hver og einn glímir við markaðslögmálin með sínum hætti.

Margrét lætur sig dreyma um að sleppa út úr hagkerfinu, Máni vill rústa því. Andrej vill fá vinnu, Freyja vill hefnd. Þau fjárfesta í frímerkjum og furuhnetum, draumórum og ilmvötnum, barnavögnum og hugsjónum. 

Hvernig hefur hagkerfið sem við lifum í áhrif á okkur, á það hvernig við horfum á hlutina, hvernig við notum tungumálið, hvernig við beitum líkama okkar?

≈ [um það bil] er í senn bráðfyndið og ágengt verk þar sem er leitast við að veita áhorfendum sem fjárfest hafa í leikhúsupplifun kvöldsins hæsta mögulega skemmtunarvirði á hvern keyptan miða. Hvað þarf raunverulega til, til þess að leikrit sé miðaverðsins virði?

Nístandi gamanleikur um markaðslögmálin sem sumir segja að stjórni öllu.

—

Leikstjóri: Una Þorleifsdóttir

Dramatúrg: Símon Birgisson

Leikmynd og búningar: Eva Signý Berger

Tónlist: Gísli Galdur Þorgeirsson 

Hljóðmynd: Gísli Galdur Þorgeirsson og Kristinn Gauti Einarsson 

Lýsing: Halldór Örn Óskarsson 

Dans og sviðshreyfingar: Birna Björnsdóttir og Selma Björnsdóttir

Aðstoðar leikstjóri: Sigurður Þór Óskarsson

Leikarar: Guðrún Snæfríður Gísladóttir, Katrín Halldóra Sigurðardóttir, Oddur Júlíusson, Snorri Engilbertsson, Stefán Hallur Stefánsson, Þorbjörg Helga Þorgilsdóttir, Þröstur Leó Gunnarsson

—

Tilnefningar:

≈ [UM ÞAÐ BIL] var tilnefnt til Grímuverðlauna sem sýning ársins árið 2016. Una Þorleifsdóttir var einnig tilnefnd sem leikstjóri ársins fyrir sýninguna. Stefán Hallur Stefánsson og Þröstur Leó Gunnarson voru tilnefndir fyrir hlutverk sín sem leikarar í aðalhlutverki og Oddur Júlíusson og Katrín Halldóra Sigurðardóttir sem leikari og leikkona í aukahlutverki. Einnig voru Gísli Galdur Þorgeirsson og Kristinn Gauti Einarsson tilnefndir fyrir hljómynd og Birna Björnsdóttir og Selma Björnsdóttir fyrir dans og sviðshreyfingar ársins.

Einnig var leikhópur sýningarinnar tilnefndur til Menningarverðlauna DV 2016.

—

María Kristjánsdóttir, Viðsjá RÚV: Um það bil - í Kassa Þjóðleikhússins 

Jakob S. Jónsson, Kvennablaðið: Skemmtunarvirði upplifunarinnar er algerlega í plús

Kristjón Guðjónsson, DV: Kýrgildi, fjárgildi, manngildi

Dagný Kristjánsdóttir, Hugrás: Næstum því eins en þó ekki alveg